No er det framifrå årsskriftet til Setesdal Sogelag for 2021 endeleg i salg 💝
Du kan kjøpe det på Norli Evje, i andre bokhandlar og i mange forretningar over heile Setesdal. Bladet har heile 124 sider i år, inkludert nokre sider med annonsar bakerst. Det er trykt hos Setesdalstrykk på Evje. Prisen er bare 100 kr. Det er helst alt for lite for dette kvalitetsbladet. Men det er jo greitt for oss lesarar.
Stykka tykkjast å halde ein spesielt høg fagleg kvalitet i år. Utan at eg er nokon ekspert på dette, må me kunne seie at fleire av artiklane er på eit vitskapleg nivå. Men så kjem me ned på jorda med det nydelege diktet «Slike dagar», skrive av Vigdis Brattfjord. Då er balansen mellom det jordnære og det avanserte fint avpassa.
Eg går ikkje inn på detaljane, men lagar heller ei lita innhaldsliste:
- Vidar Toreid – Leiaren i Setesdal Sogelag har ordet
- Torgeir Moseid – Redaktøren har ordet
- Vigdis Brattfjord – Slike dagar (dikt)
- Olav M. Holen – Johans ladde og Gunnar skaut (om predikanane Gunnar Lofthus og Johannes Bakken)
- Karin Bøe og Vidar Toreid – Sogevandringar 2020
- Kristian F. Olsen – Husguder og avgudsdyrkelse i Setesdal
- Noah Falkum – Intervju med min farfar (om Andres Helle sine opplevingar under 2. verdskrigen)
- Hallvard T. Bjørgum – På ramme alvor? Skjoldmøyane, fiksjon eller fakta?
- Bjarne Nordgarden – Det fyrste meieriet i Setesdal
- Vilbord Stubseid Hovet – Innleiing til artikkel (artikkelen skrive av Bjarne Stubseid)
- Bjarne Stubseid – Setesdal. Geografiske tilhøve, topografi og lausmateriale
- Margit Løyland – Det året dei krona kongen (glimt inn i ei dagbok frå 1906, skrive av 18-åringen Jon Løyland)
- Erik Kjebekk – Thor Lande – ein kristen heidersmann frå Grendi
- Annonsar – Takk til annonsørane våre!
Er du det minste interessert i Setesdal, og kanskje spesielt lokalhistorie litt tilbake i tid, er dette bladet for deg!
