Populær open dag ved Hornnes hjelpefengsel!

Det kom masse folk, rundt 200-300, då Hornnes hjelpefengsel si venneforening inviterte til open dag ved fengselet i Dåsnes søndag 29. september.

Ivar Haugen fortalde levande frå historia til fengselet. Foto: Geir Daasvatn

Vaksne og born kom og gjekk i ein jamn straum, eller slo seg til i den fine parken utanfor fengselet med ein matbit. Praten gjekk livleg mellom borda. Ivar Haugen fortalde frå historia til fengselet og viste rundt, i to omgangar. Evje og Hornnes Sogelag ved Erik Kjebekk og Margrethe Gautestad selde lokalhistoriske bøker. Det blei servert nydelege heimelaga kaker og anna bakeverk. Utomhus baud 4H på spennande aktivitetar. Du kunne mellom anna sykle deg til din eigen smoothie for 20 kr. Det var eit særs populært tilbod. Heilt frå Kristiansand kom Ånund Lunde for å teste dette. Ånund er far til handballjentene Katrine og Kristine, og såg ut til å vere i minst like god form som dei topprente tvillingdøtrene sine 🙂

Ånund Lunde hadde ein kropp som var perfekt bygd for å sykle smoothie! Linn Moseid syter for at smoothien får rette konsistensen. Foto: Geir Daasvatn

Myke arbeid ventar

Det er mykje som må gjerast med det gamle bygget og eigedomen ellers, om dette skal bli den samlingsstaden i bygda som venneforeninga håpar på. Men dei er målbevisste, og klare for å gjere ein solid innsats i åra som kjem. Det første planlagte tiltaket er å skifte vindaugene og nokre små reparasjonar for å sikre bygget. Så er det eit ynskje om å sette opp eit tilbygg på baksida, med toalett og innlagt vatn. Dei totale kostnadane for desse to tiltaka kan kanskje bli opp mot to millionar kroner. Det er ikkje ein umogeleg pengesum å stable på beina. Dei i foreninga me talte med var optimistar på det.

Så er det mykje større planar for å utvikle bygget og området vidare. Men her er det tale om å bygge stein på stein, og skaffe økonomiske midlar etter kvart.

Lykke til!

Det blir spennande å følge arbeidet med Hornnes hjelpefengsel vidare. Me gler oss til å kunne rapportere om nye framskritt med jamne mellomrom.

Lykke til med dette unike bygdeprosjektet 💝

Populær open dag ved Hornnes hjelpefengsel!

Likte du artikkelen?
Del den videre

Facebook
Twitter
Email

Siste artikler fra OpplevEvje

Badebua i Dåsnes høgtidleg opna!

Med stor festivitas blei den nye badebua i småbåthamna ved utlaupet av Dåsåna i Hornnes opna søndag formiddag. Det var ein av primus motorane i

Turforslag fra OpplevEvje

Birkelandsfossen

Birkelandsfossen er ein foss i Otra, rett nord for Evje sentrum. Fallhøgda er 7 meter. Skrive av Geir Daasvatn Ved fossen er det restar etter svære fløtingsmurar og ruinar

Vorehei turløype

Vorehei er eit fjell (443 moh.) vest for Otra ved Moisund i Evje og Hornnes. Fjellet er eit mykje populært turmål for både Moisund-folk og andre

Syrtveitsfossen

Syrtveitsfossen er en foss i Otra, ved Syrtveit i Evje og Hornnes kommune, rett sør for Byglandsfjord. Fallhøyden er 8,5 m. Ved fossen er det svære fløtningsmurer, som var i bruk

Flåtvegen

Langs Flåtvegen mellom Flatebygd og Gautestad kan du gå eller sykle i idyllisk, gamalt støylsområde. På Flåtøygarden er det eldgamle merke etter dyrking. Truleg har

Kallshovet

Kallshovet er ein karakteristisk, kjegleforma liten fjelltopp (293 moh.) på Kallhovd i Dåsvannsdalen i Hornnes. Det er bare ein kort tur å gå, men toppen

Mest lest siste 7 dager