Knallgøy på sommarkunstskule!

Mange fine kunstnarar samla på eitt brett. Foto: Geir Daasvatn KLIKK PÅ BILETET FOR FORSTØRRING
Fredag ettermiddag var det avslutning for kunstskulen som 15 barn og unge 8–12 år har vore med på i regi av kultureininga i Evje og Hornnes kommune denne veka.

Mange spente – og veldig stolte – foreldre, føresette, besteforeldre og søsken kom til Furuly saman med barna for å sjå nærare på kunstverka dei hadde laga i løpet av dei fem dagane. Alle var imponerte!  Produksjonen var enorm, og bileta oste av fantasi og skapartrang.

Aslaug. Heldige elevar som kan ha ein slik engasjert og inspirerande kunstnar til lærar i ei heil veke! Foto: Geir Daasvatn

Kulturleiar Maya Ranestad Hjertholm ynskte velkomen. Kunstlærar Aslaug Moi Frøysnes fortalde litt om kva barna hadde stelt med i løpet av veka. Ungane var tatt med på ei variert kunstreise, der alle hadde fått prøve seg på ulike kunstuttrykk og materiale. Dei hadde prøvd bl.a. kritteikning, installasjon og akrylmåling. Fokus hadde vore på «Å tegne er å sjå», trivsel og meistring, leik og moro.

Aslaug bur i Bergen, der ho arbeider som lærar. Men ho har også vore utøvande kunstnar i mange år. I sommar er ho heime i Bygland på ferie, og ville gjerne bidra med å lage til dette fine tiltaket for barna. Ved sida av Aslaug var også Svanhild Gumpen med som støttespelar gjennom heile veka.

– Det har vore himla moro, fortalde ei sprudlande Aslaug oss i ein liten pause. Eg trur ungane verkeleg har kosa seg!

Etter den korte innleiinga og nokre passande ord for høvet, kunne alle i ro og mak studere kunstverka som for anledninga var hengt opp på veggen utvendig på Furuly. Eit imponerande og svært så fargerikt syn!

Den trivelege tilstelninga blei avslutta med kake, is, kaffi og brus og – ikkje minst – ein god prat.

GOD SOMMAR!

——————————

Om Aslaug Moi Frøysnes

Aslaug er biletkunstnar, lektor og gründer frå Frøysnes i Setesdal. Ho er utdanna ved Kunsthøgskolen i Bergen. Ho har jobba innanfor fleire kunstnariske sjangre; som installasjon, skulptur, performance og to-dimensjonal kunst som silketrykk. Ho har ein stor kunstnerisk aktivitet bak seg, med mange utstillingar, inkludert Høstutstillinga. I 2010 starta ho Aslaugs Kunstskole og har undervist barn og ungdom i forskjellige kunstuttrykk.

——————————

Me skal prøve å få lagt inn bilete av nokre av kunstverka også etter kvart.

Knallgøy på sommarkunstskule!

Likte du artikkelen?
Del den videre

Facebook
Twitter
Email

Siste artikler fra OpplevEvje

Badebua i Dåsnes høgtidleg opna!

Med stor festivitas blei den nye badebua i småbåthamna ved utlaupet av Dåsåna i Hornnes opna søndag formiddag. Det var ein av primus motorane i

Turforslag fra OpplevEvje

Rygnestadtunet – Valle

Om du er på ferie i Evje-området, og har tilhald til dømes på ein av dei fine campingplassane i nedre Setesdal, eller kanskje på ærverdige

Furustovhei

Furustovheia er ein ås (567 moh.), eit heieområde, om lag to kilometer nord-vest for Fennefossfjellet på vestsida av Otra i Evje og Hornnes kommune. Løypa

Skjerkevegen – Uleberg

Skjerkevegen er ein 10 km lang gards- og skogsbilveg på Uleberg i Dåsvannsdalen i Hornnes. Han vart bygd i 1973. Vegen passar ypparleg for ein heietur på

Futevegen – Vegusdal

Futevegen i Vegusdal var ein del av det gamle vegsambandet mellom Evje og Frolands Verk. Han blei bygd som hjulveg på 1840-talet, men var i

Kallshovet

Kallshovet er ein karakteristisk, kjegleforma liten fjelltopp (293 moh.) på Kallhovd i Dåsvannsdalen i Hornnes. Det er bare ein kort tur å gå, men toppen

Evje Mineralsti

Evje Mineralsti er et eldorado for de steingale! Evje og Hornnes, sammen med nabokommunen i sør Iveland, er «verdensberømt» for sin mineralrikdom. I Evje Mineralsti

Mest lest siste 7 dager