Honnør til Setesdølen!

Det er viktig for oss alle saman at Evje & Hornnes blir marknadsført best mogeleg. Difor er det også særs viktig at den einaste lokalavisa, Setesdølen, skriv mest mogeleg om aktuelle saker i heimbygda vår. Gjerne med eit optimistisk forteikn.

Av Geir Daasvatn, leiar OpplevEvje

Redaktør Sigurd Haugsgjerd. Foto: Geir Daasvatn

Utan å ha forska så frykteleg djupt, meiner me å ha registrert at det jamt og trutt har blitt noko fleire saker frå Evje og Hornnes i avisa dei siste par åra. Dette er særs positivt – og viktig – for bygda vår. Fine saker, som til dømes den siste frå januar 2020 om utbygginga hos Bademiljø Ragnar Aas, laga av Ole Birger Lien, syner at aktiviteten i bygda er god og at optimismen rår. Denne optimismen spreiar seg som ringar i vatn. Me skal heller ikke undervurdere den gode effekten ein slik omtale har for den einskilde bedriften.

I tillegg til meir omtale av saker frå Evje og Hornnes i papiravisa, er Setesdølen som kjent også komen på nett. Sjølv om sakene på nettsida ikkje er opne for alle, kjem det oftare ut saker og informasjon som abonnentane kan lese. Dei treng ikkje lenger vente til tirsdag eller torsdag på siste nytt.

Me vonar Setesdølen vil halde fram med å omtale positive saker frå Evje og Hornnes. Samstundes er det minst like viktig med stoff frå alle dei andre setesdalskommunane. Meir innhald frå Evje og Hornnes må såleis ikkje føre til mindre frå Bygland, Valle, Bykle eller Åseral for den saks skuld. Nei, me håpar og trur – ja veit – at det er så mykje bra å skrive om i Setesdal, at avisa heller kunne utvidast med fleire sider for å få med alt.

Setesdølen er ein viktig samfunnsaktør. Setesdølen betyr mykje for Setesdal. Då er det veldig viktig at me alle stør opp om avisa så godt me kan; som abonnentar, lausaviskjøparar, annonsekjøparar eller på andre mogelege vis. Om me har noko som er kjært, må me ta godt vare på det 💝

 

 

 

Honnør til Setesdølen!

Likte du artikkelen?
Del den videre

Facebook
Twitter
Email

Siste artikler fra OpplevEvje

Badebua i Dåsnes høgtidleg opna!

Med stor festivitas blei den nye badebua i småbåthamna ved utlaupet av Dåsåna i Hornnes opna søndag formiddag. Det var ein av primus motorane i

Turforslag fra OpplevEvje

Kvietjønnvegen

Kvietjønnvegen er ein skogsbilveg i Hornnes. Det er ein kjempefin sykkeltur i idyllisk skogsterreng. Vegen går inn ved Faret og Valhall, vestover og oppover i

Evje Aktivitetspark

Evje Aktivitetspark ligger i enden av Alfred Uglands veg, bare noen få hundre meter fra Evje sentrum. I Evje Aktivitetspark er det kunstgressbane og gressbane

Evje Mineralsti

Evje Mineralsti er et eldorado for de steingale! Evje og Hornnes, sammen med nabokommunen i sør Iveland, er «verdensberømt» for sin mineralrikdom. I Evje Mineralsti

Bykle gamle kyrkje

Bykle gamle kyrkje er  ei av dei minste soknekyrkjene i Norge, og den mest særmerkte i Setesdal. Kyrkja skal vere bygt i 1620, og kunne

Svaba – Uleberg

Svaba (621 m.o.h.) er ein særmerkt avrunda fjelltopp ovafor Uleberg i Dåsvannsdalen i Hornnes. Fjellet er eit fint turmål, der du frå toppen kan sjå

Skjerkevegen – Uleberg

Skjerkevegen er ein 10 km lang gards- og skogsbilveg på Uleberg i Dåsvannsdalen i Hornnes. Han vart bygd i 1973. Vegen passar ypparleg for ein heietur på

Mest lest siste 7 dager