I kveld, onsdag 13. oktober kl 19:00, er det klart for den årvisse «Herretrimmen» i fleirbrukshallen på Evje skule.
Av Øystein Moi
Den høgt profilerte tømmerhoggaren, Svein Salve Lislevand, he lagt verneutstyret på hylla og funne fram både joggesko og stuttebukse. Lislevand er tildelt rolla som innpiskar på Herretrimmen – medan den alderstrygda lensmannsdrengen Harald Kleggetveit held fram som fysisk trenar.
Lite he endra seg sidan oppstarten for meir enn 50 år sidan. Her talar me ikkje om knallhard intervalltrening og høg puls. Det er meir tale om enkel gymnastikk med tilhøyrande kvasse kommentarar og gode historier. Ingen teikn til korkje utstyrspress eller kroppshysteri.
Me ynskjer atletar i alle aldre velkomen på Herretrimmen i kveld. Det einaste du må take med deg er godt humør, stuttebukser – og 30 kr i lommepenger.
