Eikefjellet – Neset Camping

Eg er ikkje så sprek i ganglaget lenger, og ville nå truleg slite med å gå inn til Årdalsknapen frå Neset Camping. Ikkje minst ville det bli ein heller tung tur tilbake. Det er nok mange som meg, som av ein eller annan grunn ikkje kan eller ønsker å legge ut på langtur lenger. Men ein utruleg fin tur – ein slags «Årdalsknapen light» – er å gå opp på Eikefjellet frå Neset Camping og nyte utsikten sørover mot Byglandsfjord derfrå.

Det er bratt opp, men ikkje langt, og mykje meir overkomeleg enn den heile turløypa fleire kilometer inn til Årdalsknapen.

Turen fortset under biletet

Fint utsyn frå eitt av fleire utkikkspunkt langs stigen. Foto: Geir Daasvatn

Rett sør for Neset Camping, i svingen der ei lita sløyfe av den gamle Postvegen framleis ligg att, kan du parkere bilen eller sykkelen. Der er det også skilt som fortel meir om løypa, og kart. På tre og steinar oppover den bratte stigen er det heile tida oransje eller blå merke. Så du skal mest ikkje kunne gå feil!

Fleire stadar oppover i fjellsida kan du ta avstikkarar ut på fine utkikkspunkt. Landskapet rundt Byglandsfjorden er umåteleg fint, og når du ikkje har tenkt deg så langt kan du i staden bruke desto meir tid på å nyte synet av vakre Setesdal.

Ein kortare tur er ikkje noko nederlag!

Det er litt surt for meg som forhenværande fotballspelar, å måtte innrømme at eg ikkje er på topp lenger. Men på den andre sida er eg snart 60 år, og då gjeld det å finne dei gledene ein kan der ein er. Så då eg klatra meg opp på dette Eikefjellet – som eg trur det heitar – her om kvelden, med fotoapparatet over skuldera og på leiting etter fine motiv langs stigen, var eg nok like lukkeleg som då eg i ungdomstida skorte på heil volley.

Eg vonar bileta kan få DEG også til å ta ein tur hit, eller ein annan stad du lenge har hatt lyst til å kome deg!

Kart over området 

Klikk på bileta for forstørring

BEDRIFTSOVERSIKTEN - Støtt det lokale næringslivet. Kjøp tjenester og produkter lokalt.

Eikefjellet – Neset Camping

Likte du artikkelen?
Del den videre

Share on facebook
Facebook
Share on twitter
Twitter
Share on email
Email

Siste artikler fra OpplevEvje

Badebua i Dåsnes høgtidleg opna!

Med stor festivitas blei den nye badebua i småbåthamna ved utlaupet av Dåsåna i Hornnes opna søndag formiddag. Det var ein av primus motorane i

Turforslag fra OpplevEvje

Syrtveitsfossen

Syrtveitsfossen er en foss i Otra, ved Syrtveit i Evje og Hornnes kommune, rett sør for Byglandsfjord. Fallhøyden er 8,5 m. Ved fossen er det svære fløtningsmurer, som var i bruk

Hornåsen – Urdalen

Hornåsen er eit fint utsiktspunkt. Vi har ein eigen turartikkel om det. Men du kan også gå ein veldig fin rundtur i dette området, og

Lislestog – Bykle

Lislestog (Morten Henriksen-samlinga) er eit friluftsmuseum og ei samling av gamle bygningar under Setesdalsmuseet. Samlinga ligg i Bykle kyrkjebygd. I samlinga er det elleve tømmerbygningar og mange

Langevatn – Åseral

Ved søre enden av Langevatn på Ljosland i Åseral ligg ein svær ny steinfyllingsdam, ferdig i 2020. Frå dammen kan du sykle eller gå vidare

Tjovhola – Bygland

Tjovhola er ei svær, naturleg hole høgt oppe i fjellsida mellom Byglandsfjord og Neset Camping. Det er bratt opp, og tungt å gå, men ein kort og spennande

Furustovhei

Furustovheia er ein ås (567 moh.), eit heieområde, om lag to kilometer nord-vest for Fennefossfjellet på vestsida av Otra i Evje og Hornnes kommune. Løypa

Mest lest siste 7 dager