Ei vakker lita handling!

Evjerampen spelte onsdag ettermiddag for bebuarane på Evjeheimen. På grunn av koronasituasjonen måtte konserten vere utandørs. Det var først og framst fantastisk gøy, men samstundes ei vakker handling.

Å sjå ei verd i eit sandkorn
og ein himmel i ein vill blomst,
halde det uendelege i handa
og det evige i ein time.

Slik som i det nydelege diktet til William Blake kjente eg det då Evjerampen heldt ein minikonsert for bebuarane ved Evjeheimen onsdag ettermiddag.

Saka fortset under biletet

Dei ser ikkje så veldig rampete ut lenger! F.v. Borge Tørå, Nils-Kjell Daasvand, Finn Bakkevold og Arnstein Hafver. Foto: Geir Daasvatn

Tiltaket kom i stand etter initiativ frå Anne-Marie Birkeland i Evje og Hornnes Frivilligsentral. Ei daglegdags, lita hending på ein måte. Ikkje noko å lage eit nummer ut av. Men tenk så mykje dette vesle musikkinnslaget kanskje betydde for bebuarane som fekk kome ut i sola og den nydelege vårlufta, og høyre fin musikk 💝

«Den største gleda er å gjere andre glad», heiter det i ordtaket. Eg håpar Arnstein, Finn, Nils-Kjell og Borge kjente det slik då dei pakka utstyret tilbake i bagasjerommet og køyrde avgarde

Klikk på bileta for forstørring

Del "Ei vakker lita handling!"